Türkiyənin Səhiyyə naziri COVID-19 pandemiyası ilə əlaqədar tətbiq edilən bəzi məhdudiyyətlərin aradan qaldırıldığını açıqlayıb.
Bundan sonra HES kodundan istifadə aradan qaldırılır, otaq havalandırılırsa və insanlar arasında məsafələrə əməl olunursa, artıq maska taxmaq lazım deyil.
“Biz maskaları həyatımızdan çıxarmırıq, lazım olanda taxmaq üçün onları özümüzlə daşıyırıq. Yaşlılarımızın və xroniki xəstəlikləri olan insanların yanında olanda onlara ehtiyacımız ola bilər”, – deyə nazir bildirib.
Eyni zamanda, sosial məsafəyə riayət olunmayan qapalı məkanlarda, təyyarələrin, avtobusların, teatrların, kinoteatrların, tibb müəssisələrinin və məktəblərin qapalı məkanlarında maskaların məcburi olması davam edir.
