“Bu iyrənc yerdən uzaq durun!” – məhz bu məzmunlu mesajla turistlər sosial şəbəkələrdə Goa kurortunu boykot etməyə çağırılıblar. Hindistanın Times Now nəşri bu kurort barədə yerli, hindistanlı turistlərin fikirlərini sitat gətirir. Onlar ora getməmək üçün səbəbləri sadalayır və turizmin orada artıq tənəzzülə yaxınlaşdığını bildirirlər.
“Otellər və taksilər sadəcə olaraq turistləri talamağa yönəliblər. Klublar isə zibil yığınıdır, giriş üçün İbiza ilə müqayisə olunacaq dərəcədə yüksək ödənişlər tələb edirlər, bu, ciddi olaraq belədir, hə?! Çimərliklər çirklidir və turistlərlə doludur. Mən başa düşə bilmirəm, niyə hələ də kimlərsə Goa-ya səfər edir”, – deyə turist Aditya Trivedi bəyan edib.
Bu paylaşım sosial şəbəkələrdə virus kimi yayılıb və çoxlu razılaşan şərhçilər tərəfindən sitat gətirilib. “Taksist mənimlə sanki zarafat edirmiş kimi 5 km yol üçün məndən 650 rupi alır. Mən Gurgounda metrodan ofisə qədər maksimum 80-100 rupi ödəyirəm, məsafə eyni 5 km-dir… Əminəm ki, bir daha ora getmərəm”, – deyə başqa bir turist narazılıq edib.
Onlar həmçinin Goa-nı rəqibləri ilə fəal şəkildə müqayisə ediblər – siyahıda Phuket, Bali, Şri Lanka və Filippin də yer alıb. Turistlərin fikrincə, orada həm daha ucuz, həm də daha yaxşıdır. “Vyetnama 7 gün ərzində ən yaxşı otellər, mənzərələr, yeməklər, klublar, əyləncələr və digər yerlər daxil olmaqla asanlıqla 55-65 min rupi az məbləğə səfər etmək olar. Üstəlik, Da Nangın toxunulmamış çimərliklərini də bura əlavə edin”, – deyə başqa bir şərhçi bildirib.
