Dövlət Turizm Agentliyinin yaradılmasının 5 illiyi ilə əlaqədar qurumun əməkdaşları və turizm sənayesi nümayəndələri Fəxri Xiyabanda Ümummilli lider Heydər Əliyevin məzarını ziyarət edərək məzarı önünə gül dəstələri qoyublar.
Xatırladaq ki, Azərbaycan Respublikasının Dövlət Turizm Agentliyi Azərbaycan Respublikası Prezidentinin 20 aprel 2018-ci il tarixli “Mədəniyyət və turizm sahəsində dövlət idarəçiliyinin təkmilləşdirilməsi ilə bağlı bəzi tədbirlər haqqında Sərəncam”ına əsasən yaradılıb.
