Aviaşirkət Vnukovo və Domodedovo aeroportlarına hər gün uçuşlar həyata keçirəcək
Azərbaycan Hava Yolları yay cədvəli üzrə Moskvanın “Vnukovo” hava limanına yerinə yetirilən uçuşlara aviabiletlərin satışına başladı.
⠀
Yay cədvəli çərçivəsində Vnukovo aeroportuna uçuşlar 27 mart 2022-ci il tarixindən etibarən həyata keçiriləcək. Uçuşlar hər gün olacaq və Bakı hava limanından uçuş yerli vaxtla saat 16.30-da baş tutacaq.
⠀
Həmçinin, AZAL Moskvanın “Domodedovo” aeroportuna da gündəlik reyslər həyata keçirir.
⠀
Aviabiletləri https://www.azal.az/ saytından, həmçinin aviaşirkətin bütün akkreditə olunmuş agentliklərindən əldə etmək mümkündür.
